Azken egunotan zurrumurrua zabaldu da, baina orain konfirmatu da (Noticias de Gipuzkoa egunkariak eman du) eta Patxi Baztarrika (Ataun, 1958) arduratuko da euskara kontuez Urkulluren Jaurlaritzan. 2005eko uztailetik 2009ra bitartean Miren Azkarate Kultura sailburu zela izan zuen kargu bera izango du oraingoan ere: Eusko Jaurlaritzako Kultura Saileko Hizkuntza Politikarako Sailburuordetzaren (HPS) arduraduna izango da, Cristina Uriarte sailburuarekin.
Azkeneko urteotan Andoaingo Udalean aritu da, hango euskara teknikaria baita.
2005eko uztailean izendatu zuten Hizkuntza Politikarako sailburuorde, Patxi Goenaga euskaltzaina ordezkatuz.
Euskararen gaineko Babeli gorazarre liburuaren egilea da (Alberdania, 2010). Bere blogean idazten ditu hausnarketak.