DKT Plus txartelaren jabeek honako kiroldegietan sartzeko aukera ematen du: Eskoriatzako Manuel Muñoz kiroldegian, Oñatiko Zubikoan, Arrasateko Musakolako kiroldegian –eremu lehorrean zein bustian– eta Bergarako Agorrosin kiroldegian –bainuetxe eremua izan ezik–. Hala, ikastaro eta alokairuetan abonatuen prezio bera izango dute.
Bestalde, DKT Premium txartelaren erabiltzaileek aurrez azaldutako DKT Plus txartelak dituen zerbitzuekin batera, Bergarako Agorrosingo bainuetxea erabiltzeko aukera izango dute.
Eskaera, erroldatutako herrian edo gehien erabiliko den kiroldegian
DKT txartelak urteko abonua eskaintzen du, besterik ez. Txartela egin nahi duenak eskaera erroldatuta dagoen herriko kirol instalazioan egin beharko du. Era berean, txartela egin gura duen herritarrak bere herrian kiroldegirik ez balu gehien erabiliko duen kiroldegian egin beharko du eskaera.
Bestalde, DKT txartelaren adin tarteak honakoak dira:
- Umetxoak: 2011tik 2013ra jaiotakoak, biak barne.
- Ume eta gazteak: 2010etik 1995era jaiotakoak, biak barne.
- Helduak: 1994an edo lehenago jaiotakoak.
- Familia unitatea: 1995ean edo beranduago jaiotako seme-alabak sartu ahal izango dira.
Prezioetan, %5eko igoera
Mankomunitateak abonuen prezioa %5 garestitu du. Gaurko aurkezpenean adierazi dutenez KPIaren eta BEZaren igoeraren arabera egin dute aldaketa. Honakoak dira 2013rako prezioak:
- Haurra (3-17 urte): 125,20 euro (Plus).
- Heldua (18 urtetik gorakoak): 212, 80 euro (Plus) eta 256,35 euro (Premium).
- Familia: 388,50 euro (Plus) eta 462 euro (Premium).
DKT txartelarekin erabil daitezkeen instalazioak
Behean duzue DKT txartelarekin erabil daitezkeen instazioak:
- V itxurako ikonoa: Debagoieneko Kirol Txartelaren prezioan sartzen da.
- €: Instalazio bakoitzak onartutako tarifa ordaindu behar da.
- Fed.: Eskaladako federazioko lizentzia izan behar da rokodromo edo boulderra erabili ahal izateko.
- Premium: Preimum txartela izan behar da instalazio horiek erabili ahal izateko.
