Intxorta 1937 Kultura Elkarteak bi proiektu berri jarri ditu salgai Azokan.
- Batetik, dokumentala: Arrasate 1936. Emakumea, Gerra eta Errepresioa, Dragoi Produkzioarekin batera egindakoa.
- Bestetik, liburua: Historia Crítica de la Guerra de Euskadi (1926-37), Pablo Beldarrainek, gudarien Komandantea, idatzitakoa.
Eta, pozik agertu dira erantzunarekin. Halaxe diote: "gure apaltasunean, argitaletxe haundien artean espazio bat egiten ari gara. Klientela fijo bat lortzen gabiltza, nobedadeak erosten dizkigutena" diote.
"Gehien saldutakoak, askogatik, nobedadeak izan dira, baina aurretik eramaten ditugunak ere saltzen ditugu: Gerrako Garrak Oñatin, Celestino Uriarte eta Gudarien gerrikoen belarriak batez ere".
Gainera, aurten, Azokan jarritako erakustokiak orijiltasuna duela nabarmendu du askok, eta, honek ere, jendea erakartzea lortzen duela adierazi diute Intxortakoek.
Salmenten aldetik, iaz baino gutxiago saldu dutela diote, "baina orduan sei nobedade aurkeztu genituen".
Bestalde, aurreratu dutenez, dagoeneko lanean dabiltza eta datorren urteari begira proiektu bi martxan dituzte:
- Bergara 1936, Gerra eta Errepresioa, Intxortak zuzendutako bosgarren dokumentala (Elgeta, Aretxabaleta, Oñati eta Arrasatekoen ondoren).
- Consejos de Guerra a los curas vascos liburua, Anxo Curras-ek, galegoa, idatzitakoa.