Goiztiarrena, gainera, berori izango da, Iban del Campo, alegia. Laster, 10:30ean du berak hitzordua, euskarazko film laburren aurkezpenean del Camporen Katebegitik lana emango dute-eta Irudienean.
Eguerdian da, berriz, arrasatearren hurrengo hitzordua. Kasu horretan, Gose musika taldeak Gose III, Gose taldeak 3Dn egindako 2012ko ekoizpenak erakutsiko dituzte Irudienean, 12:00etan.
Historia eta zinema
Apurtxo bat beranduago, 14:30ean, Historiaren txanda izango da, Intxorta 1937 Kultura Elkartearen eskutik, Arrasate 1936: Emakumea, gerra eta errepresioa dokumentala aurkeztuko dute. Hori ere Irudienean. Hain zuzen ere, atzo Intxorta elkarteak gehien saldu zuen produktuetako bat berori izan zen.
Eta arrasatearren gaurko hitzorduekin bukatzeko, 17:30ean Ahotsenea hartuko dute Never Surrender taldearen doinuek.