Oraindik araua gertu ez dagoenez, ez dago zehazterik ze eragin izango duen, baina, Inmueble-Jabetzeko Artezkarien Gipuzkoako Kolegio Ofizialak dioenez, jabeek ondo egingo dute aldaketetarako gertu egoten.
Gaur egun badago energia eraginkortasunaren gaineko dekretu bat, 2007koa; iaz garatu zuen hori Eusko Jaurlaritzako Industria Sailak, 240/2011 Dekretuan. Horren bidez, bakarrik eraikin berriek edo 1.000 m2-ko edo gehiagoko eraikin zaharberrituek izan behar zuten ziurtagiri hori. Bada, Industria Ministerioaren asmoa da derrigortasun hori zabaltzea.
Industriaren asmoa derrigortasun hori lehenbailehen ezartzea bada ere, Kolegioak oso-oso zail ikusten du urtarrilaren 1ean bertan izatea hori. Izan ere, batetik, dekretua bera ez dago gertu eta, bestetik, Eusko Jaurlaritzak garatu behar du gero.
Beharrizan gehiago bete beharko dituzte laster etxebizitza saldu edo errentan eman nahi duten jabeek, Espainiako Industria Ministerioa prestatzen dabilen dekretuaren arabera. Horrek arautuko du gero erkidegoek garatu beharreko derrigortasuna; hain zuzen, saldu edo errentan ematen diren etxebizitza guztiek energia eraginkortasun ziurtagiria izatea. Hori lortzeak gastua ekarriko die etxe-jabeei.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak