Euria, hotza, eta mendi tontorretan elurra

Tarteka  ostarteren bat edo beste ikusteko aukerarik egon den arren, euria izan da nagusi Debagoienean gaur goiz partean. Kalera aterkiarekin eta berokia jantzita ateratzeko goiza izan da gaurkoa, eta errepidean kontuz ibiltzekoa. Ibarreko errepideetan ez da aparteko arazorik egon. Herrizaingo Sailak eta Euskalmetek elurrari eta izotzari dagokion abisu horia eman dute. Gaur 1.000 metrotan egongo da elur kota eta gauean 800-900 metro ingurura jaitsiko da. Bihar, osteguna, elur kota 800 metrotan egongo dela iragarri du Euskalmetek eta etzi ostirala, 700-800 metro ingurura jaitsiko dela.