Internet baduten tamaina horretako enpresen artean, Gipuzkoan Debagoiena eta Debabarrena nabarmentzen dira (%100); Durangaldea Bizkaian (%99,5) eta Arabako Ibarrak (%98,7). Donostian, %97,1ek.
Webguneak dituzten enpresei begiratuz gero, berriz ere Debagoienak du datu onena (%89,7); gero datoz Arratia-Nerbioi (%88,9) Bizkaian eta Gorbeiako inguruak (%87,1) Araban. Donostian, enpresen %84,5ek daukate.
Euskarazko webguneetan dauka Debagoienak bigarrenarekiko alde nabarmenena: webgunea duten establezimenduen artean, %75,7k daukate euskaraz Debagoienean; %60k Urola-kostan eta Goierrin; eta %50ek baino gehiagok Tolosan, Donostialdean eta Debabarrenean. Bizkaian, Markina-Ondarroan eta Gernika-Bermeon, web orrien erdiak baino gehiagok euskarazko aukera dute. Arabako Mendialdean erdia pasa dira; gainerakoetan txikiagoak dira portzentajeak.
Internet eduki eta administrazio publikoekiko tramiteak egiten dituzten enpresak bereziki ugariak dira Debagoienan (%97,3) Gipuzkoan, Gernika-Bermeon (%93,7) Bizkaian eta Kantauri arabarrean (%92,2). Donostian, enpresen %88,4k egiten dituzte.