Honakoa da gaurko bidali duten iragarpena: "Zerua oso hodeitsu edo estalita egongo da. Zaparrada txiki-ertainak botako ditu, ugariagoak izango dira egunaren bigarren partean eta kantauri isurialdean. Trumoi-ekaitza izateko eta txingorra botatzeko probabilitatea handia da, bereziki kantauri isurialdean. Goizaldean elur-kota 1000-1200 m inguruan egongo da; goizean 1000 m ingurura jaitsiko da. Ipar-mendebaldeko haize ahul-bizia ibiliko da, bolada gogorrekin eta oso gogorrekin kostaldean eta mendi inguruetan. Tenperatura nahikoa edo nabarmen jaitsiko da. Mendi inguruetan izotz txikia egiteko probabilitatea handia da".
Elurrari dagokon abisu hori aktibatu du Herrizaingo Sailak gaurko, martitzena, eta biharko. Iragarpenaren arabera, 1.000 metrotan kokatuko da elur-kota egunaren amaierarako, beraz, ikustekotan, mendi inguruetan ikusiko dugu elurra. Dena den, trumoi-ekaitza izateko eta txingorra egiteko probabilitatea handia dela ere abisatu dute. Egun euritsu eta desatseginak izango dira datozenak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak