Sinadura bilketari dagokionez, abenduaren 20an, eguenean, da bigarren hitzordua. Kasu horretan, Bergaran eta Eskoriatzan izango dira (18:00-20:00). Azken udalerri horretan, gainera, osoko bilkura dago deituta egun bererako eta bertan aurkeztuko dute etxegabetzeen kontrako lehen mozioa.
Sinadura bilketei dagokienez, Arrasaten borobilduko dute astean, egubakoitzean bertan izango dira-eta sinadurak batzen.
Bizitza osorako zor finantzarioa
Etxe-husteen kontrako plataformak salatu du etxegabetze bat gertatzen denean, etxe barik geratzeaz gainera, "familia horrek bizitza osorako zigor finantzario" bati aurre egin behar diola. Izan ere, halako kasuetan banketxeak egiten duen prozesuaren amaiera izaten da etxea enkantean ateratzea, eta "enkante hori hutsik geratuz gero (krisi testuinguru honetan kasuen %90ean gertatzen da hori), legea eskuan, banketxeak bere egiten du etxebizitza, tasazio balioaren %60an. Eta jarraitzen du zorraren ordainketa erreklamatzen, gehi interesak gehi epaiketa kostuak, berez kaudimengabe dauden pertsonei. Hori egiten du nominak, kontuak eta bestelakoak bahimenduz".