Esandako mezuak honakoa dio, besteak beste: "Komertzialak direla esaten duten lapurrak giltzatakoak banatzen dabiltza toki publikoetan eta gasolindegietan. Giltzatakoek pertsona horien mugimenduak kontrolatzen duten txip elektronikoak dituzte barruan. Lapurrek lagun horiek zelatatzen dituzte eta beraien egoera ekonomikoa ezagutzen dute. Giltzatakoak oso erakargarriak omen dira, gustura jasotzen diren horietakoak".
Ertzaintzatik eta Arrasateko udaltzaingotik jakinarazi digute mota horretako txip elektronikoen tamaina handia dela eta ez direla giltzatako batean sartzen, eta hortaz, "gezurra" dela mezuan esaten dena. Udaltzaingotik gaineratu digute sistema horiek oso garestiak direla; hain justu, bakoitzak 3.000 euro inguru balio duela.