Goizean goizetik futbol zelaian hainbat partidu jokatu dituzte eguraldiak asko lagundu ez duen arren. Gurasoak ere bertan izan dira, euren seme-alabei animoak ematen, eta lagun arteko giro paregabea izan dute.
Realeko aurpegi ezagunak
Eguerdi aldera, bailarakoak diren Realeko bi jokalari ohi ere bertan izan dira: Aitor Lopez Rekarte eta Agustin Arantzabal. Biak gustura izan dira gaztetxoek futbolean euskaraz nola jokatzen duten ikusten eta Realeko kamiseta berrirako hiru bono ere banatu dituzte. Irabazleak izan dira Aitor Urzelai (2004), Aitor Arietaleanizbeaskoa (2003) eta Aitor Orbea (2002), hirurak bergararrak.