Nobedadeen barruan, Open Altitoy Ternuako izen-emateei dagokienez bi berrikuntza daude: A ibilbidean izena emateko (kirolprobak.com), lehenengo, aurre-inskripzioa egingo da (azaroaren 16tik 30era arte), eta antolatzaileek –kirol lorpenetan oinarrituta– aukeraketa egingo dute –soberan geratzen diren lekuekin zozketa egingo dute–. Antolatzaileek abenduaren 3tik hasita jakinaraziko dute zeintzuk izan diren aukeratuak, eta horiek derrigorrez egin beharko dute Grande Course txartela (grandecourse.com), 20 euro ordainduta. Hala, abenduaren 10etik 16ra A ibilbideko inskribapenak formalizatuko dira. Eta B ibilbiderako izen-ematea, berriz, abenduaren 17tik aurrera egin ahal izango da.
Aurreratu dugu iazkoak baino ibilbide gogorragoak izango direla. Helmuga Bigorreko Pic du Midiko astrologia zentroan egongo da eta ikusleak bertara igo ahal izango dira –eskiatzaile bakoitzak teleferikoan jasotzeko gonbidapen bat jasoko du.
"Aurten berriz ere zuek harritzen saiatuko gara, ibilbide berriekin eta bide teknikoekin, aireko ertzekin eta korridore aldapatsuekin". Hori da Open Altitoy Ternua etxeko antolatzaileek bota duten amua. 2013ko Altitoyk urteroko osagai guztiak izango ditu, eta baita hainbat nobedade ere; hasteko, 2013ko edizioa Grande Coursearen barruan egongo da, eta, hori dela eta, beste hitzorduen parean egoteko, proba gogortu egingo dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak