Auto batek txirrindulari bat harrapatu du Arrasate eta Aretxabaleta artean

GI-627 errepidean gertatu da istripua, Mekako biribilgunean, 16:30ean; ibilgailu batek txirrindulari bat jo du. Bi anbulantzia bertaratu dira, txirrindulariak kolpearen eta erorketaren ondorioz jasan dituen zauriak artatzera eta ordu erdi geroago eskualde ospitalera eraman dute; ertzainek esan digutenez, buruan hartu du kolpea, baina zaurien larritasuna zenbaterainokoa den ez digute argitu. Ezbeharrak ez du aparteko auto-ilararik eragin, baina Ertzaintza istripu-lekuan egon da, zirkulazioa gertutik zaintzen.