Ez da asteburu ona izan gure taldeendako. Bergarak eta Mondrak 0-2 galdu zuten Touring eta Hernaniren kontra hurrenez hurren eta Aloña Mendik 0-1 galdu zuen Zarautzen aurka. Hiru taldeek atzo, zapatua, jokatu zituzten partiduak eta Bergarak bakarrik egin zuen etxean.
Jardunaldi honen ostean Bergarako zortzigarren postuan da, Aloña Mendi hamargarrenean eta Mondra hamalaugarrenean.
Nahiz eta emaitza txarra izan, Mondrako entrenatzaile Lutxo Iturrino gustura dago taldeak egindako lanarekin. Lehenengo zatiaren bukaeran 0-0 zegoen markagailua eta defentsan lan ona egin dugu partidu osoan zehar. Bigarren zatiko falta baten ondoren etorri zen Mondrari eginiko lehen gola eta bigarrena denboraz kanpo egin zuten hernaniarrek. Datorren astean Tolosaren kontra jokatuko du Mondrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.