Mikel Irizar, Tokikom-eko zuzendaria; Inazio Agirre, elkarteko lehendakaria eta Joxe Rojas izan dira gaurko batzarra gidatu duten ordezkariak.Elkartearen lehenengo urtearen ibilbidea aztertu ondoren, datozen erronken gainean hitz egin dute, bereziki publizitatea eta finantziazioaren gainekoak. Garai latz hauetan, tokiko hedabideen elkarlana ezin bestekoa dela argitu dute, horrela indar eta oihartzun handiagoa lortuko dutelako.
Bazkide berriak
Tokikom elkartea 20 bazkiderekin sortu zen, gaur egun ostera 30 hedabide daude ordezkatuta, eta Tokikom-ekoek elkartearen parte izateko beste hainbat proposamen jaso dituzte. Euskal Herriko toki denetatik jaso dituzte eskaera hauek, adibidez Bilbo, Gasteiz edota Iruñeatik. Proposamenak aztertu ondoren, datorren urteko otsailean beste batzar nagusi bat egingo dute seguruenik, elkartearen norabidea gero eta gehiago zehazteko.