Arrasaten, Aretxabaletan eta Eskoriatzan, berriz, urrian izan dira odol ateraldiak egiten, eta datozen hitzorduak zehaztu barik dituzte. Eta Aramaioko odol emaileek 2013ko hasieran dute hurrengo ateraldia.
Ia 2.500 emaile
Datu orokorrei begiratuta, Debagoienean 2.441 odol emaile daude gaur egun. Odol emaileen elkarteetatik diotenez, "behar dugun odol guztia lortzeko, nahikoa litzateke urtean 1.000 biztanleko 50 emanaldi izatea, horrela emaile bakoitzak urtean birritan emateko".
Bi elkarte
Gure ibarrean bi elkartek dihardute lanean: Gipuzkoako Odol Emaileen Elkartetik Bergarara, Oñatira, Antzuolara eta Elgetara etortzen dira; eta Arabako Odol Emaileen Elkartekoak arduratzen dira, berriz, Arrasate, Aretxabaleta, Eskoriatza eta Aramaioko odol ateraldiak egiteaz.