Azken minutuetan sartutako gola izan da derbiko gauzarik aipagarriena. Mondra sendo egon da atzean, baina zelai erdian baloi asko galduta, ez du jaurtiketa garbirik egin 90 minutuetan. Bergara ondo kokatu da zelaian, baina erasoan ideia garkiekin irtetzeko arazoak izan ditu. Hori horrela, lehia berdinketarekin bukatuko zela eman zirudien, baina mahoneroen gola heldu da.
Hurrengo jardunaldiak Mondrak Hernaniren kontra jokatuko du, etxetik kanpo. Orain arte, Iturrinoren taldeak askoz hobeto jokatu du etxetik kanpo (aurreko aste bukaeran Oñatin irabazi zuen). Bestalde, Bergarak Agorrosinen jokatuko du Touringen kontra.
Hasierako hamaikakoak
- Mondra: Oier, Crespo, Kevin, Erik, Zabaleta, Dueñas, Lander, Lopez, Andoni, Gonzalez eta Azkarate.
- Bergara: Soto, Apellaniz, Urrutia, Nafarrate, Iñurrieta, Aranburu, Cabanillas, Beitia, Matxo, Baltzategi eta Crespo.