OCUk zioenez, olio horiek etiketetan iragartzen duten baino kalitate txikiagokoak dira: Eroski birjin estra olio gisa merkaturatzen dena olio birjina dela, eta Olilan birjina kontsumitzeko desegokia dela esan zuen (nahiz eta osasunerako txarra ez den ere gaineratu zuen OCUk).
Eroskik hauxe esan du: "OCUren eskura utzi ditu Eroskik berak daukan barne eta kanpo analisi historiala, eta horrek egiaztatzen du bi markek olio birjin estra eta olio birjin gisa definitzeko dauden baldintzak betetzen dituztela". Azaldu duenez, azterketa guztiak kanpoko laborategietan egiten dira, eta laborategi horiek Espainiako eta kanpoko erakundeen ziurtagiriak dituzte.
Mondragon taldeko banatzaile handiak azpimarratu du azterketa horiek "ezinbesteko baldintza" gisa dituela olio horiek botilatan sartu eta merkaturatzeko.