Elgetan elkartu dira gaur, domeka, Debagoiena eta Debabarrenako odol-emaileak. Urteroko ekitaldia egin dute, eta bertan hainbat sari banatu dituzte. Odol-emaileek musu-truk egiten dituzten donazioak eskertu nahi izaten ditu horrela Gipuzkoako odol-emaileen elkarteak, eta bide batez gizarte osoari helarazi odola ematea premiazkoa dela.
Erraza eta beharrezkoa
Ehun saritik gora banatu dituzte eguerdian Espaloia kafe antzokian egindako ekitaldian. Odola ematea erraza, azkarra eta beharrezkoa dela azpimarratu dute Gipuzkoako odol-emaileen elkartetik. Odol-emaile gazteen premia ere azpimarratu dute: "Bakoitzak gazte bat erakartzen badu odola ematera asko irabaziko dugu", adierazi dute.