250 neska-mutil inguru batzen ditu Arizmendi Kirol Elkarteak. Futbol eta areto futboleko sailetan dabil gehiengoa, baina badira beste sail batzuk ere: saskibaloia, squasha, mendi lasterketak, igeriketa eta boleibola. Kasu batzuetan, Arrasate, Aretxabaleta eta Eskoriatzako kirol elkarteekin elkarlanean ateratzen dituzte aurrera taldeak. Parte hartzea, ondo pasatzea eta Arizmendiko ikasleen nahiz herriko neska-mutil gazteen artean kirol ohiturak sustatzea dira helburuak.
Atzo, egubakoitza, Arizmendi Kirol Elkarteko futbol eta areto futboleko taldeen aurkezpena egin zuten Aretxabaletako Ibarra kiroldegian. Neska eta mutil ekipazio berriarekin irten ziren, gainera, kantxara. Ikastolak bere etapa berrirako aukeratutako logo eta koloreak dituzte kirolarien jantzi berriek ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak