OCUk aztertutako olioetatik 34 olio birjin estra gisa saltzen dira, eta beste seiak, olio birjin gisa. Olio birjin estra litroa, batez beste, 3,32 eurotan saltzen da, eta olio birjin litroa, euro bat merkeago.
Erakunde horrek ohartarazten du topatu dituen "aldaketak edo akatsak" ez direla "osasunerako txarrak", baina "kontsumitzailearen poltsikoari eragiten" diotela eta, horrenbestez, informazio hori konpartitu nahi duela.
Bederatzi markak "birjin estra" etiketarekin saltzen dute benetan olio birjina dena. Are gehiago, bi markak "olio birjina" etiketa ipintzen diote produktuari, baina findu gabeko olioa da eta, OCUren iritziz, ez da kontsumitzeko egokia. Hauek dira, OCUren esanetan, "kontsumitzailea engainatzen" dutenak: Eroski, Hojiblanca, Coosur, Ybarra, Consum, Arteoliva, Condis, Olisone, Aliada, Maeva eta Olilán. Zehazki, azken biak "kontsumitzeko ez egokiak" direla esan du.
Hauek dira aztertu dituzten markak, benetan zer den, eta OCUk bakoitza zelan baloratzen duen:
- Estepa birjin estra / Kalitate ona: Oleoestepa D.O.
- Birjin estra / Kalitate ona: Ybarra, Hacendado (Mercadona), La Española, Dintel, El corte inglés, Carbonell, Día.
- Frutatu birjin estra / Kalitate ertaina: Día.
- Birjin estra / Kalitate ertaina: La Española, Señorío de Segura, Auchan (Alcampo), Carrefour, Koipe, Borges, Carbonell, Súper (El Árbol), Hojiblanca, Supersol, Cordoliva frutatua.
- Birjina / Ez gomendatua: Eroski, Hojiblanca, Coosur, Ybarra, Consum, Arteoliva, Condis, Oli Sone (Lidl), Aliada (El Corte Inglés), Sabor y Origen.
- Birjina / Kalitate ertaina: Mar de Olivos, Carrefour, Auchán Pulgar (Alcampo).
- Birjin tradizionala / Kalitate ertaina: Cordoliva.
- Saltzeko ez egokia: Maeva, Olilán.