Arizmendi ikastolako zuzendari Txaro Iraetak, ikastolako lehendakari Andoni Mujikak eta Edurne Balzategi komunikazio arduradunak eman dituzte irudi eta etapa berriaren gaineko xehetasunak.
Batera egoteko beharra
Datozen gizarte aldaketei aurre egiteko batera egotearen beharra ikusi dute Arizmendikoek, eta ikastola eta kooperatibaren arteko izaera izango da aurrerantzean ikastolaren ardatza. Zeurea, geurea, denona, ikastola izenburupean, balore berriak transmititzen ditu leloak.
Olarteko neska-mutikoak jolasean.
Elementu berriak
Logotipoari dagokionez ere, elementu berriak erabili dituzte. Koloreak dira, adibidez, gaurkoturiko elementuetako bat. Kolore biziagoak erabili dituzte oraingo honetan, energia gehiago transmititzeko, eta a hizkia, borobilagoa egin dute goxotasuna transmititzeko asmoz.
Beraz, betiko arima duen logotipo gaurkotua aurkeztu dute Arizmendikoek Olarten, ikastolaren etapa berriari hasiera emateko gogo handiz. AZK enpresak egin du logotipoa.
Aro berriko panela.