Datozen lau urteotan EAEko lehendakaria nor izango den dago jokoan urriaren 21eko hauteskundeetan, baina domekan argitzeke geratuko da hori, ziurrenik, hauteskunde ostean alderdiek elkarren artean izango dituzten hartu-emanak erabakigarriak izango dira-eta, batek gehiengo absoluturik lortuko ez duelako.
Errolda
51.747 debagoiendar daude deituta domekan botoa ematera eta horietatik 1.058 atzerrian bizi diren debagoiendarrak dira.
| Herria | Bertakoa | Atzerria | Guztira |
| Aramaio | 1.199 | 47 | 1.246 |
| Antzuola | 1.692 | 45 | 1.737 |
| Aretxabaleta | 5.390 | 64 | 5.454 |
| Arrasate | 17.705 | 246 | 17.951 |
| Bergara | 11.614 | 227 | 11.841 |
| Elgeta | 874 | 48 | 922 |
| Eskoriatza | 3.169 | 32 | 3.201 |
| Leintz Gatzaga | 200 | 12 | 212 |
| Oñati | 8.846 | 337 | 9.183 |
Iturria: Estatistikako Institutu Nazionala.
3.500 lagun lanean EAEn
Egun horretan, 3.500 lagun ariko dira lanean EAEn, emaitzak jaso eta jakinarazteko. Emaitzak Hauteskunde Administrazioko Zuzendaritzaren datuak prozesatzeko zentrora helaraziko dituzte, eta, boto kopuru esanguratsua zenbatu bezain azkar, datuak jendaurrean aurkeztuko dituzte; une horretatik aurrera, informazioa etengabe eguneratuko da, behin betikotzat jo daitekeen ehunekora iritsi arte.
22 milioi hauteskunde-txartel inprimatu dituzte eta hauteskunde-mahaietako kideentzako jarraibideak jasotzen dituzten 34.000 eskuliburu. Bozketa-prozesuaren segurtasuna bermatzeko, azkenik, 5.000 ertzain baino gehiagok jardungo dute lanean.