GGKEen koordinakunde nagusiko presidenteak, Mercedes Ruiz-Gimenezek, "guztiz eskandalagarritzat" hartu du Espainiako 2013rako aurrekontu orokorrek "beste murrizketa bat egitea gizarte politiken multzoari, eta, horren barruan, kooperazioari". Ohartarazi duenez, "milioika lagunen bizitzarengan horrek dituen ondorioak guztiz bidegabeak eta gizatasun bakoak dira".
30 urteko politika
Espainiako koordinakundeak esan duenez, 2009a ezkeri, %73 txikitu dira garapenerako laguntzari Espainiako Gobernuak ematen dizkion diru publiko partidak, eta horrek "30 urte baino gehiago dituen politika publikoa desegiten du", esan du Ruiz-Gimenezek. "Egoera oso-oso larria da eta ez du aurrekaririk", gaineratu du.
Espainiako Garapenerako Nazioarteko Kooperazio Agentziak %29 diru gutxiago izango du, eta bere partidetan ez dago zehaztuta GGKEek dagoeneko hartuta dituzten konpromisoetarako ere izango den diru hori. Era berean, ekintza humanitarioetarako aurrekonturik ez dela egongo gaineratu dute.