Aurreko urteetan bezala, aurtengoan ere, Debagoieneko Gurutze Gorriak minusbaliatuentzako egokitutako ibilgailu zerbitzua jarriko du martxan. Zerbitzu honekin, gurpildun aulkian dauden edo mugikortasun arazoak dituzten pertsonei euren etxeetatik botoa ematera joan behar duten lekura joatea ahalbideratuko diete, eta ondoren berriro ere euren etxeetara lagundu.
Zerbitzu hau erabiltzeko, Debagoieneko Gurutze Gorriko telefono zenbakira deitu behar da (943 76 55 76) 10:00etatik 19:00etara bitartean. Hauteskunde egunaren bezperan, izena eman duten pertsonekin kontaktuan jarriko dira etxean jasoko duten ordua hitzartzeko. Zerbitzua doan izango da eta izena emateko azken eguna urriaren 19a izango da (19:00 arte).