Euskal Kulturgintzaren Transmisioa, laugarrenez

Gaur jarriko da martxan, MUren eskutik, Euskal Kulturgintzaren Transmisioan (EKT) aditu titulua, laugarrenez, gure kulturgintza modernoaren protagonistek bildutako esperientziaren transmisioa bideratzeko hasitako bideari jarraipena emanez. Gaur hasi eta datorren urteko ekainera bitartean izango dira eskolak, ikasturte honetan Aretxabaletako fakultate berrian; harako bidea hartuko dute ikasle eta irakasleek gaur, eguaztena, 17:00etan, Eskoriatzan elkartu eta gero.