Hemen ez ezik DANOBAT GROUP Taldeak Alemanian eta Erresuma Batuan ere baditu lantegiak.
Mondragon Korporazioko Makina-Tresna dibisio honek hartutako erabakiaren arabera, honako kooperatibetan erabiliko dute Metaposta:
- Danobat Group: Mondragon Korporazioko Makina-Tresna Dibisioa.
- Danobat.
- Soraluce.
- Goiti.
- Danobat Railways System.
- Ideko.
- Goimek.
- Latz.
Kooperatiba hauekin batera, 25 dira jada Metaposta erabiltzea erabaki dutenak.
Naturgas Energiaren integrazioa
Gainera, gaur goizean Naturgas Energiako egoitzan antolatu den ekitaldian, Euskadiko gas hornitzaile nagusiak bere fakturak Metaposta bitartez bidaltzeko hitzarmena sinatu du. Sinadura-ekimen hau Bernabe Unda Industria, Berrikuntza, Merkataritza eta Turismo sailburuaren gidaritzapean egin da.
Massimo Rossini kontseilari zuzendari nagusia izan da Naturgas Energiaren izenean parte hartu duena sinaduran. Lantegi honen integrazioarekin, 400.000 euskal bezero inguru dira Metaposta bidez jaso ahal izango dituztenak bere fakturak.
Eusko Jaurlaritzak, Merkataritza ganberek, Tecnaliak, Gupost Taldeak eta Mondragon Inbertsioak sustatzen duten Interneteko postontzi eta dokumentu-gordetzaile berritzaile honen ordezkaria, ostera, Juan Goikolea Berrikuntza eta Teknologia sailburuorde eta Metapostako presidentea izan da.
Ezaugarriak
Interneteko dokumentu-gordetzailea den honek, enpresetan balio handiko agiriak espazio elektroniko pertsonal batean era seguruan gordetzeko aukera ematen du.
Horretaz gain, ohiko postontziari dagokion zerbitzua eskainiko du hiritarrek postontzi fisikoan jasotzen dituzten dokumentuak Metapostaren bidez jaso ditzaten. Jaso beharreko agirien sakabanaketa ekiditeko tresna egokia da horretaz gain.