Txapelketa Frantzian izango da, Tarbes herrian, eta torneoak hainbat modalitate izango ditu: eskupilota –bakarka eta binaka–, paleta narruzko pilotarekin, eta pala motza (ibarrekoek eskupilotan jardungo dute).
Ibai Bolinagak bikotekako txapelketa jokatuko du, eta Arrasatekoak Iruñeako Oberena taldeko Iñigo Etxamendirekin osatuko du bikotea. Eta Beñat Rezusta bergararrak, berriz, bakarka jardungo du txapelketan.
DV torneoan, aurrera
Bestalde, joan den astean hasi zuten DV torneoko lehenengo kanporaketa ondo gainditu zuten bi ordezkari horiek. Bazirudien Bolinagak eta Rezustak Munduko Txapelketan izango zutela burua, baina ez, indarrak gordetzeko asmo barik kantxaratu eta ondo gainditu zituzten kanporaketak. Bolinagak Arrietarekin osatu zuen bikotea, eta Mendinueta eta Castilloren gainetik pasa ziren (22-8). Azpimarratzekoa izan zen Arrasatekoak atzean egindako partidu ona, Castillok zigor galanta jaso zuen atzean. Rezustak, berriz, 22 urtez azpikoetan Jaka izan zuen bikotekide, eta 22-14 irabazi zieten Victorri eta Lanari. Hala, torneo horretako hurrengo kanporaketa Bergaran jokatuko dute, urriaren 13an. Bolinagak eta Arrietak Elezkano eta Tolosa.