Prentsaurrekoan aurtengo izen-emate kanpainako bideoa aurkeztu da. Mihiluze saioko Ilaski Serranok eta Kike Amonarrizek hartu dute parte kanpainan, hainbat egitasmotako berbalagunekin batera.
5.000 lagun ari dira mintzapraktika programetan parte hartzen, 65 herri eta eskualdetan. Astean ordubetez, aisialdian euskaraz aritzeko laupabost laguneko taldeak osatzen dituzte.
E-mintzapraktika
Aurten e-mintzapraktika aldaerari bultzada eman nahi dio Topaguneak. Izan ere, internetek etxetik Euskal Herriko zein munduko beste puntako euskaldunekin euskaraz aritu ahal izateko aukera ematen du.
Izena emateko beharrezko informazioa, herriko euskara elkartean eta www.mintzapraktika.org webgunean aurki daiteke.