"Zinema" pantaila
Pantailaren proportzio berria 16:9 da, "zinema" proportzioa, eta neurri berriari esker hasiera pantailan aplikazioen ikono lerro bat gehiago kabitzen da. Kolorearen kalitatea ere hobetu dute.
Zehaztapen teknikoei dagokienez, prozesatzailean eta konektibitatean eman dira berrikuntza nabarmenenak, abiadura azkartu egiten dutenak. Hala, errendimendu bikoitza duen A6 prozesatzailea dakar iPhone 5ak. Bateria ere landu dute eta pantailari emandako espazio horretaz baliatu dira bateriari leku gehiago emateko. Kamerari dagokionez, iPhone 4Sarena hobetu dute.
Berrikuntza teknikoak ugariak izan dira baina ukituko ez dutena prezioa da. Lehen eskaintzen arabera, modelo librerik merkeenak 679 euro balio du.