Tokikom Plataforma Digital Komuna izenburua du, zehazki, irailaren 21eko mintegian landuko duten gaiak. Hain justu ere, Tokikom gorpuzten joateko ardatz nagusienetakoa bazkideen eskura jarri gura duten plataforma digital komuna da. Bada horren zirriborro orokorra aurkeztu eta zehazten joan gura dute lehen saio horretan.
Finantzazioa aztergai
Bigarren saioan, berriz, Tokikomen finantzazioa izango dute berbagai (irailaren 28). "Publizitate bateraturako aurreikusten dugun markoa azaldu, eta horren gaineko iritziak, ekarpenak eta, hala badagokio, oniritzia jaso" landuko dute. "Finantzazio bide alternatiboen inguruko ideia-jasa ere egin nahiko genuke", adierazi du Joxe Rojasek, Topaguneako ordezkariak.