Osasun departamentuak atzo jakinarazi zuen errezeta elektronikoa Gipuzkoan martxan jartzeko prestatu duen egutegi mailakatua. Debagoienean abiatuk da, Oñatin hain justu, eta handik zabaltzen joango da gainerako herrietara datorren urtean barrena.
Herritarrek botikak eskuratzeko gaur egun duten modua erabat aldatuko du sistema berriak. Erabiltzaileek txipa daukan txartel pertsonalizatua izango dute eta txartel horrekin EAEko edozein farmaziatan eskuratu ahal izango dituzte botikak, –behin erabat ezarri eta gero 2013an–.
Informazioa farmazialariaren ordenagailuan
Farmazialariak bere ordenagailuan irakurri ahal izango du aurrez medikuak erabiltzaileari preskribatutako botikak. Gaiso kronikoen kasuan, mesede handia egingo die sistema berriak, ez dutlako osasun etxera joan beharrik izango botika gastatzen zaien bakoitzean errezeta berria hartzera. Nahikoa izango da farmaziara joan eta txartela erakustea, aldian-aldian dispentsatuko zaizkie-eta botikak.
Derion eta Gasteizko Abetzuko auzoan dagoeneko erabiltzen dute E-rezeta eta normaltasun osoz ezarri da. Laster Rivabellosan hasiko da martxan eta baita Hondarribian ere.