Arrasate
Arrasate Herri Eskolakoak, astelehenean, hilaren 10ean, hasiko dira.
Arizmendi ikastolan, epeka: irailaren 3an hasi ziren haurtzaindegikoak; irailaren 7an, Lanbide Heziketakoak eta Batxilergokoak; eta irailaren 11n, gainontzekoak.
Bergara
Irailak 6, eguena: Mariaren Lagundia, 10:00etan.
Irailak 7, egubakoitza, Aranzadi ikastola eta San Martin herri eskola.
Orotara, 2.857 neska-mutikok hartuko dute eskolarako bidea.
Oñati
Astelehenean hasiko dituzte eskolak ikastetxe denek. Salbuespen bakarra da DBH2. Bigarren Hezkuntzako ikasleek egubakoitzean dituzte aurkezpenak.
San Migelak pasa arte eskolak goizez bakarrik izango dira.
Aretxabaleta
Kurtzebarri Institutuan eta Lanbide Eskolan, gaur murgilduko dira ikasturte berrian; Kurtzebarri eskolakoak, astelehenean; eta Arizmendi ikastolakoak, martitzenean. Pausoka haur eskolakoak izan dira goiztiarrenak; astelehena izan zen itzulera eguna eurentzako.
Eskoriatza
Arizmendi: Jose Aranakoei dagokienean (0-5 urte bitartekoak), haurtzaindegikoak hasita daude dagoeneko. 2 urtetik aurrerakoak 11n hasiko dira goizez bakarrik, eta 18tik aurrera goiz eta arratsaldez jarraituko dute.
Almenen: LHM (6-12 urte bitartekoak) eta DBH (12-16 urte bitartekoak) datorren martitzenean hasiko dira, hilaren 11n, goiz eta arratsaldez.
Batxilergokoek 7an dute aurkezpena eta 10ean klase normalekin hasiko dira.
Luis Ezeiza herri eskolako ikasleak astelehenean itzuliko dira ikasgeletara. Goizez egingo dute lan lehen egunetan eta goiz eta arratsaldez urritik aurrera.
Antzuola
Eguenean, 09:00etan.
Aramaio
San Martin herri eskolan biharkoa izango da ikasturte berriko lehen eskola eguna. 09:00etan dute ordua.
Elgeta
Gaur hasiko dira, 09:00etan. 101 ikaslek egin dute matrikula.
Leintz Gatzaga
Astelehenean hasiko dute ikasturte berria.
