Nekazaritza eta Abeltzaintza Ekologikoaren XI. Azoka ospatuko da Donostiako Boulevard-ean. Donostiako udalak, Behemendi eta Biolur elkarteak antolatutako azokan leku askotariko ekoizleak egongo dira: Tolosa, Igeldo, Berrobi, Arrasate, Astigarraga, Aia, Hondarribi, Antzuola, Hernani, Aretxabaleta, Donostia, Zarautz, Zumaia, Altzo, Urretxu, Berriatua, Asparrena, Falces, eta Alberite, besteak beste.
Bi ezaugarri
Azokan egongo diren produktu guztiek bi ezaugarri berezi dauzkate: modu ekologikoan zainduak eta era artisau batetan elaboratu egin direla. Azoketan ematen den salmentari esker kontsumitzaileak informazioa zuzen-zuzenean jasotzeko aukera edukiko du, bertan egongo bai dira produktu horiek sortu dituztenak.
Informazio puntua
Gainera, Biolur Elkarteko informazio postu bat egongo da: baserri, ingurune eta osasunaren alde egiten duen lana, sortutako material didaktikoa, etxeko eta baserriko landare edo abereak zaintzeko liburu interesgarriak erakusteko.