Abuztuak 24 San Bartolome eguna da, eta Debagoieneko hainbat lekutan jaiak ospatzen dituzte: Arrasateko Uribarrin, Aramaioko Zubietan eta Angiozargo Zabaletan. Musika, jokoak, mezak, bertsolariak, mus txapelketak... Denetarik izango dituzte ume, gazte eta helduek. Bestalde, Antzuolan, San Bartolome ermita zeneko kanpaina joko dute hiru aldiz: 09:00etan, 14:00etan eta 20:00etan. Han ez dago ermitarik ezta kanpandorrerik ere, baina bai San Bartolome egunez bakarrik jotzen den kanpaia.
Angiozarko Zabaleta auzoan mezarekin hasiko dituzte ospakizunak abuztuaren 24an. 12:00etan egingo dute San Bartolome ermitan. Ondoren luncha egongo da. 18:00etan bolo txapelketa egingo dute sari potoloekin, eta jaieguna bukatzeko, Kupela taldeak erromeria egingo du.
Aramaioko Zubietan ere bai
Aramaioko Zubieta auzoan ere elizkizunarekin hasiko dituzte ospakizunak. 12:00etako meza bukatu ondoren, luncha egongo da guztiendako. Etxafuegoekin bukatu dute jaia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.