Patxi Lopez lehendakariak data hori finkatu du Legebiltzarra berritzeko. Eguna zehaztu ondoren prentsaurrekoa egin du eta esan du, "asko pentsatutako erabakia" izan dela, "euskal gizartearen interesen arabera hartutako neurria". Agintaldi "zaila" bizi izan dutela aitortu du: "Indarkeriaren mehatxuarekin hasi ginen eta krisi gogor bat izan dugu. Baina emaitzak bistan daude: terrorismoarekin amaitzea izan da lorpen handiena. Gaur harro esan dezaket terrorismoa garaitu dugula. Hori posible egin duten guztiei eskerrak eman nahi dizkiet".
Eusko Legebiltzarrerako azken hauteskundeak 2009ko martxoaren 1ean izan ziren. Berez, datorren urteko martxoan ziren egitekoak. Bost hilabetez aurreratu ditu Lopezek Legebiltzarrerako hauteskundeak.
Abuztuaren 29an desegingo lukete Eusko Legebiltzarra, eta hauteskunde kanpaina urriaren 5ean hasiko da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.