Ugaritze hori, azkar atzeman daiteke. Errekara begira, ohartuko gara, gainera, ur sakonera handiagoko gunetan eta itzaletan dauden tokietan hauen presentzia askoz txikiagoa dela. Algen ugaritze hori, ez da inondik inora kaltegarria.
Bestetik, jabetuko zineten, errekei toki batzuetan usaina dariela. Izan ere, Epeleko araztegia martxan baldin badago ere, oraindik ez daude ur guztiak hara bideratuta eta gure etxetatik isurtzen ditugun ur zikinak zuzenean doaz errekara. Ur zikin horiek bero dagoen urarekin elkartuta sortzen dute kiratsa.
Epeleko araztegia, baina, urrirako guztiz martxan egotea aurreikusten dute eta ordutik aurrera Debagoieneko errekak garbiago eta oxigenatuago egongo dira. Oxigenazio horrek ahalbidetuko du, arrainak ere ugaritzea.