Iparraldeko AHTren aurkako taldeak, Cade, Txingudi-Bidasoako lurraren aldeko taldeak, Jaizkibel Bizirik taldeak, AHTren aurkako asanbladak, Lezoko AHTren aurkako eta lurraren aldeko taldeak eta beste eragile eta norbanako batzuek egin dute deialdia. "Bertatik bertara ezagutuko dugu muga artifizial honen inguruan eman den lurraren zatiketa, artifizializazioa eta gainean dauden mehatxuak, AHT, poligono logistikoak, energetikoak, 2. ingurabidearen luzapena mugaraino, superportua eta abar", esaten dute.
Urruña, Irun, Hondarribia, Lezo eta Hernanitik pasatuko dira. Bukaeran, ekitaldia egingo dute Hernaniko Iparragirre sagardotegian.
Informazio gehiagorako, deitu 648 82 17 59 telefono zenbakira.