Orain Gipuzkoako Foru Aldundiko Mugikortasun eta Bide Azpiegitura Departamentuak foru arau bat prestatuko du eta Batzar Nagusietara eramango du irailean. Izan ere, errepideen finantziazioarekin lotutako arauak Batzar Nagusiek onartu behar dituzte. Batzar Nagusiek "gipuzkoar batzuek jasaten duten egoera bidegabea arintzeko araua" onartzen badute, Gipuzkoako Foru Aldundiak espero du 2013 hasieran proposamena martxan jartzea.
Gipuzkoarrek herrialdeko autopistetan hilean 25 euro baino gehiago ordain ez dezaten egindako proposamena da, alegia, gehienezko gastua mugatzeko proposamena. Gaur egungo deskontu politika bere horretan mantenduko litzateke eta, horrez gain, gehienezko gastu muga ezarriko litzateke, betiere deskontudun Via-T gailua dutenentzat. Deskontudun Via-T lortzeko bete beharreko baldintza bakarrak dira Gipuzkoan erroldatuta egotea eta Ogasunarekin egunean egotea.
Neurriak Gipuzkoako 28.000 familiarengan izango du eragina, eta hainbat kasutan 700 euro baino gehiagoko aurrezkia suposatuko du proposamen berriak.