Ikastaro horiei esker, ingeniari teknikoak bitarteko karrera zahar bateko titulazioa izatetik europar graduatua eskuratzera pasatuko dira urtebeteko ikasketen ondoren. Prestakuntza erdipresentziala edo linea bidezkoa jasoko dute, moodle plataformaren bidez teknologia berrietan oinarrituta, eta hainbat irakasgai jarraitzeaz gain, gradu amaierako lan bat ere egingo dute.
Eskaintza horri esker, ikasleen prestakuntza osatzeko bigarren titulazio bat eskuratu, profil profesionala zabaldu eta Boloniari egokitutako gradu bat lortzeko aukera izango dute. Zehazki, sei egokitzapen-ikastaro eskainiko dira, Ingeniaritza Mekanikoko, Industria Elektronikako Ingeniaritzako, Industria Diseinuko eta Produktu Garapeneko Ingeniaritzako, Industria Antolakuntzako Ingeniaritzako, eta Telekomunikazio Sistemen Ingeniaritzako titulu baliokidea eskuratzeko. Ikastaro bakoitzerako leku mugatuak daude eta batzuk irailean hasiko dira eta besteak otsailean.
Informazio gehiago nahi izanez gero, deitu 943 794 700 telefonora edo emaila bidali muplus@mondragon.edu helbidera.