Office, lainoan eta tabletan
Izenik eta irteera datarik ez da aurreratu oraindik baina erabiltzaileak kontu bat beharko du sistema berrian edozein dispositibotatik dokumentuetara sarbidea izan dezan; mugikor, tableta ala ordenagailutik. Suitaren barruan Word, Excel, Outlook, OneNote eta PowerPoint aplikazioek jarraituko dute, diseinu sinpleago batekin eta atzamarrekin ibiltzeko moduan, intuitiboki, diotenez, eta Skype aplikazio eta erabiltzailearen agenda bera lotuak izango ditu. Aplikazioekin batera, aurreko astelehenean San Franciscon egin zuten aurkezpenean enpresa aurkezpenetarako bereziki diseinatutako pantaila gehigarri ukigarria aurkeztu zuten, zuzenean, aurkezpenaren erdian, birmoldatu eta editatzeko aukera dakarrena.
iOS-arentzako, ez
Tabletetarako espresuki diseinatu badute ere, Apple-en gailuek ez dute bertsio berririk izango, soilik eguneraketa bat eskainiko dute, azken bertsioari gehitzeko. Eguneraketa hori Office berriarekin batera kaleratuko dute baina Skydrive lainoko biltegirako lotura ekarri dakar.
Windows 8a urriaren 26n aurkeztuko du Microsoftek, deskarga moduan bai eta baita eguneraketa moduan ere. Espero da orduan emango dituztela xehetasun guztiak.