Debagoiendar guztiak daude gonbidatuta lehiaketa honetan parte hartzera. Hala, parte hartzaileek irailaren 14a baino lehen aurkeztu beharko dute egindako argazkia. Irabazleak nortzuk diren urriaren 1ean jakingo da asteleheneko Goiena paperean.
Parte hartzeko oinarriak
Parte hartzaile bakoitzak, gehienez, 5 argazki aurkez ditzake. Argazkiarekin batera, egilearen izen-abizenak eta herria, harremanetarako telefonoa, argazkia noiz eta non ateratakoa den eta argazkian zer eta nortzuk agertzen diren adierazi beharko da. Argazkia paperean edo era digitalean aurkeztu daiteke. Horretarako, argazkiak@goiena.com helbidera bidali beharko da eta Goienara eraman. Azken aukera hau aukeratuz gero, kartazal, CD edo argazki digitalak gordetzeko beste edozein euskarritan eta jpg formatuan entregatu beharko da.
Berrikuntzak
Bi berrikuntza daude aurtengo lehiaketan: alde batetik, irakurle eta ikusleei aukera emango zaie argazki onenari btoa emateko http://goiena.net/blogak/argazkiak blogean.
Bestalde, Twitter eta Facebook bidez ere parte hartu daiteke lehiaketan, modu honetara:
- Twitterrez, @udakoargazkiak helbideari aipamena eginda argazkia bidaliz eta argazkiaren deskribapen bat eginez.
- Facebookez, https://www.facebook.com/UdakoArgazkiak orriaren horman argazkia partekatuz, argazkiaren deskribapen bat eginez.
Sariak
- 1. saria: KB Photoestudiok emango duen argazki kamera bat.
- 2. saria: Arrasate Bidaiak-ek emandako astebukaera bateko egonaldia bi pertsonentzat Kantabrian.
- 3. saria: Afari edo bazkari bat bi pertsonentzako Gure Ametsa jatetxean.
- Herritarren saria: Bi pertsonentzako SPA zirkuitua eta asteburuko menua Debako AISIA hotelean.
- Boto emaileentzat saria: Munduko kafe ezberdinen otarra, Arrasateko Karibu dendaren eskutik.