Moldaketa-lerro horren gaineko zehaztasunak eman ditu Fagor Ederlan Taldeak: HWS motakoa da, oso berritzailea, "kooperatibaren enpresa-proiektua sendotzeko" sortua, lerro horrek duen automatizazio-mailari eta malgutasunari esker.
Hala, orduko 300 automobil-bloke eta 150 ibilgailu industrialendako bloke produzitu ditzake lerro berriak; hau da, urteko 100.000 tona baino gehiago, orain arte taldeak martxan zituen bi lerroek batera egiten zutena.
Fagor Ederlanen esanetan, lerro berriak abantaila batzuk ematen ditu: hain zuzen, produktu arindua eskaintzen du, motor-bloke meheago eta perdoi txikiagokoekin. Gainera, kaxa tamaina handiagoa duenez, ibilgailu industrialendako motor-bloke eta kulata mota gehiago ekoiztu ditzake, eta koste lehiakorragoak eskaini.