Aste honetan, Lanbide Euskal Enplegu Zerbitzuak alkateei edo enplegu-alorrean erantzukizun handiena dutenei egin die deialdia bilera-txanda bat egiteko. Bilera horietan eskualdeko enplegu-planei buruzko informazioa emango da. Topaketa horien bitartez, enplegua sustatzeko programa horien idiosinkrasia aurreratu nahi zaie; era berean, lortu nahi dute proiektu honetan ahalik eta udalerri gehienek parte hartzea eta beren proposamenak aurkeztea.
Enplegua sustatzeko Lanbidek aurkeztuko dituen proposamenen artean eskualdeko enplegu-planak dinamizatzeko laguntzak nabarmendu behar dira, eta horien bitartez Euskal Autonomia Erkidego ia osora iritsi nahi da. Gai hori da deialdiaren ardatza; proiektuak finantzatzeko hiru milioi euroko aurrekontua dago.
Laguntza-linea horren helburuak hauek dira: herritarren enplegagarritasuna hobetzea, enplegua sortzea tokiko oinarrizko enplegua sortzen duten proiektuen bitartez, eta enpresen lehiakortasuna hobetzea.
Beste dirulaguntza-lerro baten, 14 milioi
Era berean, Lanbidek tokiko garapena eta enplegua sortzeko ekintzetarako laguntza programa antolatu du, 14 milioiko aurrekontuarekin, eta horren aurrerapena aurkeztuko die ordezkari politikoei. Lerro horren helburua eskualde bakoitzeko enplegu planetatik ezarritako jardueretatik enplegua sortzen laguntzea da.