Osasunean eta ongizatean horretan kalitatezko zerbitzuak eskaini nahi ditu, produktu berritzaileen bitartez. Gaixoen bizi-kalitatea eta osasun-langileen lana hobetu gura ditu Fagor Healthcare-k.
Bere lehenengo emaitza Medical Dispenser izeneko dosifikatzailea da. Farmaziei zuzenduta dago eta irailean hasiko dira saltzen. Helburua da profesionalei lana erraztea eta gaixoei tratamentua jarraitzeko samurtasunak ematea.
Medical Dispenser Madrilgo Infarma 2012 azokan aurkeztu zuten modu ofizialean, joan den martxoan. Gailuak kargatzeko makina erdi-automatikoa dauka, eta kudeatzeko softwarea. Horiei esker, botika prestatzeko arriskuak txikitzen dira eta gaixoak arreta pertsonalizatua jaso dezake.
Gaixo kronikoek edo botika desberdin asko hartu behar dituztenek botika guztiak ontzi bakarrean gorde edo eroan ditzakete –blisterra–. Ontzi edo blister horrek 28 albeolo ditu, egun bakoitzeko lau, eta hartu beharreko botika guztiak gorde daitezke, gaixoak bat ere ahaztu ez dezan.