Aparteko izaera duen programa honen bitartez 6 milioi euroren laguntzak banatuko dira. Guztira 28 milioi euro ditu Aldundiak aurrekontuan jasota Gipuzkoako enpresei laguntzeko. Laguntza horietako batzuk dagoeneko abian dira (Internazionalizazioa, bizitza osorako ikaskuntza, Zientzia eta Teknologia Sarea edo IKT sektorea eta IKTak mikroenpresetan erabiltzea), eta datozen asteetan gainerakoak zabalduko dira (Ekintzailetasuna eta enpresa ekimen berriak).
Onartu diren proiektuen kopurua bat dator joan diren ekitaldietan batez beste onartu direnekin, eta Foru Aldundiak berariaz landu duen helburu bat bete da: laguntza horiek enpresa txikiek ere ezagutzea eta aprobetxatzea, ez korporazio handiek bakarrik. Hala, aurten diru-laguntza onartu zaien enpresen %80 baino gehiagok lehenbiziko aldiz jasoko dute laguntza.