Langabezia behera Debagoienean

Goiatz Arana Begiristain 2012ko uzt. 3a, 17:31

3.250 langabe zeuden ekainean Debagoienean (%10,90). 2012 urteko daturik onena da, izan ere, orain arteko hilabete denetako zifrek gainditu egiten dute oraingo hau, eta  martxoan hasitako beheranzko joerarekin jarraitzea dakar. Herriz herri, joera beheranzkoa izan da Arrasate, Bergara, Eskoriatza eta Oñatin; alderantziz, langabeziak gora egin du Antzuolan, Elgetan eta Leintz Gatzagan; eta bere horretan mantendu da Aretxabaletan. 

  Otsaila 2012
Martxoa 2012
Apirila
2012
Maiatza
2012
Ekaina
2012
Antzuola 98 (%8,98) 102 (%9,35) 94 (%8,62) 90 (%8,25) 101 (%9,26)
Aretxabaleta 314 (%9,29) 313 (%9,26) 309 (%9,14) 309 (%9,14) 309 (%9,14)
Arrasate 1.372 (%13,24) 1.387 (%13,39) 1.384 (%13,36) 1.354 (%13,07) 1.322 (%12,76)
Bergara 812 (%11,58) 830 (%11,84) 821 (%11,71) 809 (%11,54) 801 (%11,42)
Elgeta 49 (%9,04) 51 (%9,41) 53 (%9,78) 52 (%9,59) 54 (%9,96)
Eskoriatza 233 (%11,44) 224 (%11,00) 229 (%11,24) 225 (%11,05) 217 (%10,65)
Leintz Gatzaga 11 (%8,15) 5 (%3,70) 7 (%5,19) 7 (%5,19) 8 (%5,93)
Oñati 457 (%8,71) 458 (%8,73) 447 (%8,52) 440 (%8,38) 438 (%8,35)
Debagoiena
3.346 (%11,23)
3.370 (%11,31)
3.344 (%11,22)
3.286 (%11,02) 3.250 (%10,90)

Datuek erakusten dute, era berean, egoera orain urtebete eta orain bi urte baino okerragoa dela, orduko langabe kopurua ez baitzen hiru mila laguneko mugara ailegatzen.

EAEn ere behera

Joera beheranzkoa da Euskal Autonomia Erkidegoan ere: 2.828 langabe gutxiago zeuden ekainean, %1,76 gutxiago; denera, lan barik zeuden 158.080 pertsona zenbatu zituzten EAEn. Baina, kasu honetan ere, urtez urteko datuak kontuan hartuta, egoera ez da hobetu: iaz garaiotan baino 13.666 langabe gehiago daude, guztira, %9,46 gehiago.

Gipuzkoan jaitsi da batik bat kopurua, 1.211 pertsonak aurkitu baitute lana; ondoren, Bizkaian, 1.190 langabe gutxiago daude; eta azkenik, Araban, 427 gutxiago.

Baita Nafarroan ere

Nafarroan, %1,49 jaitsi da langabezia; 48.813 pertsona daude lan barik. Espainiako Gobernuko Enplegu Ministerioak gaur, martitzena, emandako datuen arabera, urtez urteko datuak kontuan hartuta, langabezia %17,06 (7.113 pertsona) igo da, Nafarroan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak