Datorren ekitaldia "argi eta garbi, doikuntza ekitaldia" izango dela eta murrizketak egongo direla ohartarazi du.
Kutxabanken gainean eta Espainiako bankuendako eskatutako erreskatearen gainean, hauxe esan du: "Oraingo eskaerekin, Kutxabank-ek ez du finantzaketarik behar".
New York-eko Moody's kalifikazio agentziak Hego Euskal Herriko eta Espainiako 28 banketxe eta entitateren kalifikazioa okertu egin du; maila bat eta lau maila artean, kasuan kasu. Bakarrik zazpi utzi ditu "zabor bonu" mailatik kanpo, baina justu-justu: Santanderri eman dio nota onena (Baa2), eta hurrengo onenean, Baa3 notan, utzi ditu Euskadiko Kutxa, Nafarroako Caja Rural, Banesto, Caixabank eta Banca March. Dena dela, denei okertu die nota; gehien Banco Popularri okertu dio (A3, nota ona, utzi eta Ba1 zabor-bonu notan hondoratu du). Kutxabank Baa1 notatik Ba1-era pasatu du. Euskadiko Kutxari Baa2 notatik Baa3 notara okertu dio kalifikazioa.
Joan den martitzenean jakinarazi zituen Moody's agentziak erabaki horiek.