Foru Aldundiko Ogasun Departamentuak Sozietateen Gaineko Zergaren ponentzia erreformatzeko proposatutako testuak Talde Txostengilearen irizpena jaso zuen atzo arratsaldean, Bildu, Aralar eta PSEren artean akordioa lortu ondoren. Sozietate Zergaren Talde Txostengilearen ondorioen dokumentuak, beraz, aurrera egingo du. Hurrengo, egubakoitzean aztertuko du ondorioen txostena Batzar Nagusietako Ogasun Batzordeak.
Helena Franco Ogasun eta Finantza diputatuaren esanetan, “oinarrian Ogasun Departamenduak aurkeztutako proposamena ontzat ematen da, beste taldeek egindako ekarpenekin osatu eta hobetu egin dena, bereziki
harmonizazioa eta iruzurraren inguruko aipamenen bidez”.
Akordioa arazo handirik gabe lortu ahal izan dela argitu du Ogasuneko diputatuak, eta "negoziazio osoan zehar adostasun eta sintonia maila ia erabatekoa” izan dela azpimarratu du.
Helena Francori garrantzitsua iruditzen zaio lorpena. “Oso modu positiboan baloratu behar dugu egindako lan eta ahalegina, izan ere adostasun honek abiapuntu egokia finkatzen du hemendik aurrera burutu beharko den
Sozietate Zergaren erreformak eskatuko duen lanketarako”, esan du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak