Ibilbide zirkularra izango da, eta Donostian hasi eta bukatuko da, baina Debagoienetik ere igaroko dira. Hain justu ere, uztailaren 2an Zumaiatik Arrasaterako bidea egingo dute. Bergaratik 17:30 aldera igaroko dira eta San Prudentzioko biribilgunean buelta batzuk emango dituzte. Hori horrela, Oñatiko elkartetik gonbitea luzatzen diete txirrinduzaleei gune horretan eurekin bat egiteko. Handik Arrasaterako bidea hartuko dute eta Arrasaten erdiko kaleetan barrena martxa egingo dute.
Uztailaren 3an Arrasatetik Oñatira arteko bidea egingo dute eta Oñatin ere egingo dute martxa. Horra ere gonbidatu dituzte txirrinduzaleak.